‘MoReProGRes’ Iloilo, handum ni re-elected Governor Arthur Defensor, Jr., sa iya masunod nga tatlo ka tuig nga termino

Ginahandum ni Iloilo Re-elected Governor Arthur Defensor Jr. ang ‘MoReProGRes’ Iloilo sa iya masunod nga tatlo (3) ka tuig nga pagpungko bilang gobernador sang probinsiya sang Iloilo.

Suno kay Defensor, luyag niya nga mangin Movement for Resurgent, Progressive, Globally Competitive and Resilient (MoReProGRes) ang Iloilo.

Ginplastar man sang gobernador ang lima (5) ka mga tinutuyo sang iya administrasyon nga ginalakipan sang increase Investments & employment opportunities; attain Food Security; provide accessible health and social service; promote public safety, protect and manage the resources and assets of the Province kag provide effective, efficient and transparent government administrative services.

Nagahingyo naman si Governor Arthur Defensor Jr. sa pumuluyo sa probinsiya kag mga alkalde nga magbuligay, maghangpanay kag unahon ang interest sang pumuluyo sang sa kaugalingon. — via Aksyon Cedrick Anona