Iloilo City Mayor Jerry Treñas, nag-request sa LTFRB nga pasugtan makasulod sa siyudad ang mga jeep halin sa Oton, Pavia kag Leganes
ILOILO CITY – Nagpadala sang sulat si Mayor Jerry Treñas sa Land Transportation Franchising and Regulatory Board (LTFRB) 6 nga naga-request nga pahanugutan nga makasulod sa siyudad ang mga depasahero nga jeep halin sa Pavia, Leganes kag Oton.
Naka-address ang sulat ni Mayor Treñas kay LTFRB 6 Director Richard Osmeña.
Base sa sulat, na-obserbahan sang City Government ang concern sang mga commuters halin sa first towns nga adlaw-adlaw nga nagabiyahe.
Nagalaum si Mayor Treñas nga pamatian sang LTFRB ang iya request. — via Aksyon Jeremae Ventar