Aklan, nagapanguna sa may ‘very high’ COVID-19 positivity rate suno sa OCTA Research

Nagapanguna ang Aklan sa pulo (10) ka mga lugar sa pungsod nga may pinakamatass nga one-week COVID-19 positivity rate.

Sa data nga gin-post ni OCTA Research fellow Dr Guido David sa iya Twitter account, 32.6% ang positivity rate sang Aklan sang July 22, bisan pa nga nagnubo ini kumparar sa July 16 nga na-record.

Nagapangaduha ang Capiz nga may 31.9% kag ginsundan sang Nueva Ecija nga may 30.5 %.

Ang positivity rate rnagatumod sa percentage sang mga tawo nga nagpositibo sa COVID-19 sa kabug-usan nga numero sang mga indibidwal nga gin-test.

Lakip sa 10 ka mga lugar nga may masobra 20% nga positivity rate amo ang Cavite, Laguna, Rizal, Pampanga, Tarlac, Antique, kag Isabela.