Resto Bar kag Night Club sa Iloilo City, ginserbihan sang closure order

Ginserbihan ni Mayor Jerry Treñas sang closure order ang Jeploccs/Wanbats resto bar sa Aurora Subd., Bgy. Villa Anita, City Proper kag Lady Anne disco club sa Bgy. Ortiz, City Proper bangud wala sang business permit.

Ginpahayag sang Task Force on Moral and Values Formation (TFMVF) nga naglapas man sa Regulation Ordinance #1980-226 ang Lady Anne disco club bangud gintukod ini malapit sa high school department sang isa ka unibersidad.

Sa idalum sang Regulation Ordinance sang Iloilo City Government, ginadumilian ang pagpahamtang sang balay kalingawan kag kasubong nga mga negosyo 200 metros ang kalayuon sa mga eskwelahan, ospital kag simbahan.

Ginatinguhaan pa sang Aksyon Radyo Iloilo nga mapasabat ang tagdumalahan sang disco club kag resto bar.