Labing una nga kaso sang monkeypox, na-detect sa Pilipinas — DOH
MANILA – Ginkumpirmar sang Department of Health (DOH) ang labing una nga kaso sang Monkeypox sa Pilipinas kahapon, Hulyo 29.
Suno kay Health Undersecretary Beverly Ho, ang kaso na-detect sa 31-anyos nga Pinoy nga nag-abot halin sa abroad sang Hulyo 19. May travel history suno sa iya sa pungsod nga may na-record nga kaso sang Monkeypox ang Pinoy nga nagpositibo.
Gin-test siya kag kumpirmado nga nagpositibo sa Monkeypax paagi sa RT-PCR test kahapon, Hulyo 28.
“Case has been discharged well and is undergoing strict isolation and monitoring at home,” suno kay Ho.
Na-identify sang DOH ang 10 ka close contacts sang pasyente lakip ang tatlo nga kaupod niya sa ila balay. Wala sang sintomas ang mga close contacts.
Una na ginpahayag sang ahensiya nga handa na sila sa pag-detect sa nasambit nga virus kag nagapangita na sang paagi nga makabakal sang smallpox vaccines nga gamiton batok sa monkeypox.
Sang damlag lang gindeklarar sang World Health Organization (WHO) ang monkeypox nga “infectious disease a global health emergency.” — DOH