Monkeypox virus, indi tama ka makalalaton suno sa Ilonggo nga doktor
ILOILO CITY — Wala sang dapat kabalak-an ang publiko sa monkeypox bangud indi ini tama ka makalalaton kag wala ini nagalapta ukon naga-upod sa hangin pareho sa COVID-19.
Ini ang paathag ni Dr. Ismael Sumagaysay, chairman sang Hospital Infection Control Committee sang The Medical City kasunod sang labing una nga kaso sang monkeypox nga na-detect sang Department of Health sa pungsod.
Suno kay Sumagaysay, laka lang nagakatabo nga may nagakapatay sa sini nga balatian magluwas lang kun tama na gid ka luya ang immune system sang tawo nga matapikan sini. Ini bangud pwede sini nga makumplikar ang iban pa nga mga balatian sang pasyente pareho sang pneumonia ukon problema sa Central Nervous System.
Dugang niya, naga-ayo man ang monkeypox bisan ind pagbulngon. Kalabanan, supportive treatmen lang ang ginahimo diri pareho sang pagbulong sang iban nga mga sintomas sini kasubong sang hilanat.
Ginpahayag ni Sumagaysay nga epektibo gihapon nga pamaagi ang pagsuksok sang facemask kag ang masami nga paghugas sang kamot agud indi dasig matapikan sang monkeypox.