9 ka bubon kag water refilling station sa Tanza Timawa Zone II, positibo sa e.coli kag coliform bacteria

ILOILO CITY — Positibo sa E. Coli kag Coliform ukon ang bacteria sa higko sang tawo kag sapat, ang tubig sa siyam (9) ka mga bubon kag water refilling station sa Tanza Timawa Zone 2.

Suno kay Kagawad Loida Ebibe, masobra 1, 100 ka mga residente nila ang nagagamit sang tubig halin sa bubon para sa pagpanglaba, panghugas pinggan, kag pagpaligo.

Ang gina-inom naman ang halin sa water refilling station sang ila barangay.

Ginpahayag ni Kagawad Ebibe nga plano nga ipa amut_amutan sa mga residente ang pagpasemento sang leak sa bubon kag butangan sang taklob.