‘Let’s conserve energy’ – DOE Usec Sharon Garin

ILOILO – Nagpanawagan si Undersecretary Sharon Garin sang Department of Energy sa tanan nga magbulig sa pagkinot sa enerhiya.

Sa tunga ini sang pagsaka sang power rates, indi lang sa Visayas kundi sa bug-os nga pungsod.

Paathag ni Garin, “Ang problem ta gid man ya ang aton energy security kay ang aton electricity is very dependent in coal and oil. Puro ni siya imported. Maski ara da sa Semirara pero ang laban sang coal dira halin gid na ya outside, halin sa Indonesia. More than 37% of our electricity ang supply sina is coal tapos ang sa oil 34%.”

Madugay nga proseso suno kay Usec Garin ang pag-aprubar sang power rates kag nakadepende sa presyo sang coal kag oil sa international market.

Ginapanan-aw ni Garin nga “the best solution” ang pag-generate sang Pilipinas sang kaugalingon nga energy sources pareho sang “renewable energy, mga indigenous, solar, wind, hydro, gas.”

Ginatinguhaan man suno sa iya ni DOE Secretary Raphael Lotilla nga mahatagan sang bastante kag barato nga power supply ang mga Filipinos.

Pero sa subong, ginakumbinser ni Garin ang publiko nga magbulig sa energy conservation. “Hopefully in the future when we have more renewable energy, more source of energy from the Philippines, ma-stable na ang aton nga ano [presyo sa elektrisidad]… pero subong indi naton ma-control. Best way for now, energy conservation gid ang aton obrahon.”

Sang damlag lang, gin-anunsyar sang MORE Power Iloilo nga mahimo na nga P12.48 per kWh ang ila residential rate sa Iloilo City para sa September 20 tubtob October 15, 2022 nga billing. – via Aksyon Hotline