Update: 4 ka nadakpan nga naga-pot session sa gin-raid nga balay sa Desamparados, Jaro positibo sa drug test

Read Time:50 Second

ILOILO CITY – Positibo ang resulta sang drug test ang apat ka nagkaladakpan nga naga-“pot session” sa balay nga gin-raid sa Brgy. Desamparados, Jaro sang Setyembre 22 sang hapon.

Ginkilala ang mga nadakpan kanday Jovanni Guson, 31, sang Lopez Jaena Norte, La Paz; Joery Miranda, 47 kag Mike Obregon, 31 nga lunsay taga-Desamparados, Jaro; kag Romel Gopeteo, 43, sang Bakhaw, Mandurriao.

Una nga ginpanginwala sang apat nga yara sila sa sulod sang balay sang natabo ang operasyon.

Ginpa-athag ni PLT Lester Oliveros, Deputy Chief sang Jaro Police Station, nga maserbe sila kun tani sang warrant of arrest kay RC Ajeto sa kaso nga paglapas sa RA 9165 ukon Comprehensive Drugs Act of 2002. Apang, nadakpan nila sa akto nga naga-“pot session” si Ajeto kag ang iban pa nga indibidwal.

Nakapalagyo si Ajeto kag ang apat lang ang nadakpan.

Lakip sa mga narekober ang tatlo ka sachet sang shabu kag duha ka aluminum foil nga may residue sang shabu. –via Angel Mae Ciudad

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Granada ginbilin sa tiyangge sa San Juan, Molo
Next post ‘Let’s conserve energy’ – DOE Usec Sharon Garin