20-anyos nga lalaki nasapwan patay sa kilid sang baybay sa Miagao

Read Time:47 Second

ILOILO — Patay na sang nakit-an sa kilid sang baybay ang 20-anyos nga lalaki sa Barangay Guibongan, Miagao, Iloilo kahapon sang aga, Setyembre 26.

Ginkilala ang napatay kay Thimoty Gonzales, residente sang Barangay Dingle sang amo man nga banwa.

May nakita nga gasgas kag bukol sa ulo ni Gonzales ang pulis.

Base sa imbestigasyon ni Pssg Deogracias Nobleza, imbestigador sang Miagao pulis Domingo sang hapon, Setyembre 25, nagsimba sa Barangay Igtuba si Gonzales upod ang iya pamilya.

Apang pagkatapos sang misa, gulpi lang nagtabok sa karsada si Gonzales kag nagdiretso sa idalom sang tatay.

Ginlagas pa sang iya pamilya apang wala na makita bangud madulom na ang lugar.

Sa impormasyon nga nakalab-ut sa pulis nakita pa sang gab-i, September 25 sa Barangay Damilisan sang amo man nga banwa si Gonzales.

Ginpabutyag sang pulis nga may deperensya sa paminsaron si Gonzales, suno sa iya pamilya.

Ipa-autopsy sang pamilya ang bangkay ni Gonzales.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Resolution nga nagakondenar sa pagpatay sa 3 ka mag-abyan sa Villa Pani-an, Estancia, ginpasar sang barangay council
Next post Dengue cases sa Iloilo City nagdamo –CHO