Dengue cases sa Iloilo City nagdamo –CHO

ILOILO CITY — Na-record sang Iloilo City Epidemiology and Surveillance Unit ang 210.7% nga pagdamo sang kaso sang dengue sa siyudad subong nga tuig.

Suno sa CESU, may 926 ka kaso sa siyudad halin sang Enero 1 tubtob Setyembre 24 subong nga tuig kag mas madamo sa 298 cases sang nagligad nga tuig sa pareho nga period.

May duha man ka napatay bangud sa dengue sa siyudad.

Naga-edad suno sa CESU, sang isa tubtob 10 ka tuig ang kadamuan nga nagpositibo sa dengue samtang 16 ka barangays ang may clustering sang kaso.

Padayon nga ginakampanya sang siyudad ang pagsunod sa 4S strategy nga amo ang search and destroy breeding places, secure self-protection, seek early consultation, kag support fogging/spraying in hotspot areas agud malikawan ang pagdamo sang kaso.