Manghod gintiro sang magulang sa Guimbal bangud sang away sa duta

ILOILO — Away sa lupa ang ginatudlo nga rason sang pagpangluthang sang magulang sa iya manghod nga lunsay mga senior citizens sa Brgy. Baras, Guimbal kaina sang aga.

Ginkilala ang biktima kay Clodualdo Gicaro, 72-anyos, samtang ang suspek amo si Leopoldo Gicaro, 74-anyos.

Ginabulubanta isa ka ektarya nga lupa ang madugay na nga gina-awayan sang mag-utod nga ginpanubli pa sa ila ginikanan.

Gina-angkon sang biktima ang duta pero indi magpasugot ang manghod rason nga masami ang ila nga pagba-isay.

Suno kay Punong Barangay Jose Gicaro nga ila man utod, posible madugay na may plano ang suspek sa biktima.

Posible suno sa iya nga ginhungod bakal sang suspek ang .38 caliber pusil nga gingamit sa pagpangluthang sa biktima bangud bag-o pa ini.

Padayon nga ginabulong ang biktima sa Western Visayas Medical Center bangud sang pilas sa liug, samtang preso naman ang suspek sa Guimbal Municipal Police Station.

Nagbalibad naman nga magpa-interview sa Aksyon Radyo news team si Leopoldo.