SUV driver nga nakabunggo sa taxi kag motorsiklo sa Diversion Road, Mandurriao nadakpan sa Molo

ILOILO — Ginlagas sang kapulisan ang driver sang SUV nga nagpalagyo sang nabungguan ang taxi sa Diversion Road, Mandurriao kagab-i, Oktubre 1.

Ginkilala ang driver sang SUV kay Ryan Christopher Biaoco.

Samtang, ginkilala ang driver sang taxi nga nabungguan kay Niel Guabino, 53-anyos sang Pavia, Iloilo.

Suno kay Guabino, wala nagpondo ang SUV kag madasig ini nga nagpalagyo.

Samtang nakabunggo ang taxi nga nabungguan sang SUV sa isa pa gid ka taxi nga ginamaneho ni John Quimba.

Magluwas sa taxi, nabungguan man sang SUV ang motorsiklo kag ginsalakay ang mga masetera sa atubang sang Hotel Del Rio.

Nadakpan sa atubang sang hotel sa Molo ang driver sang SUV.