Grotto ni Nuestra Señora dela Candelaria sa balcony sang Jaro Cathedral gin-vandalize

Read Time:52 Second

ILOILO CITY — Disappointed ang concerned citizen sang nakita ang mga sulat sa dingding sang grotto ni Nuestra Señora dela Candelaria sa balcony sang Jaro Cathedral.

Makita sa mga nakasulat ang pagpangamuyo agud makapasar sa board exam. Si Nuestra Señora dela Candelaria ukon Our Lady of Candles, ang patron sang mga Katoliko.

Sa kada mag-abot ang Pebrero 2, ang mga Ilonggo, turista kag mga local nga bisita nagadugok sa Jaro Fiesta.

Ini ang nagakomemorar kag nagapasidungog kay Nuestra Señora dela Candelaria, ang patroness sang ginakabig makasaysayan nga distrito sa syudad sang Iloilo.

Ang kafiestahan sang Candelaria pareho lang ka importante sang pagkilala sa Jaro Metropolitan Cathedral bilang National Shrine of Our Lady of Candles – ang labing una nga Marian Shrine nga gindeklarar sang Catholic Bishops Conference of the Philippines sa Visayas.

Ang Nuestra Señora dela Candelaria naman ang gindeklarar nga Patroness of Western Visayas ni Saint John Paul II sang Abril 1972.

Kinaandan na ginahimo sang mga deboto ang pagsindi sang nagkalain-lain nga duag sang mga kandila kag maghalad sang pangamuyo sa Candelaria.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 10 nga taga-Iloilo lakip sa 433 ka nagdaug sa 6/55 Grand Lotto
Next post DSWD 6 ginpanginwala nga empleyado nila ang driver sang SUV nga nakabunggo sa taxi, nang-arado sang mga masetera kag nagpalagas pa sa mga pulis sa Molo