Dingding sang grotto ni Nuestra Señora dela Candelaria nga may vandalism, ginpintahan na

Read Time:1 Minute, 4 Second

ILOILO CITY — Ginpintahan na ang porsyon sang grotto ni Nuestra Señora Dela Candelaria sa balcony sang Jaro Metropolitan Cathedral nga ginsulatan sang pila ka indibidwal.

Suno kay Father Angelo Colada, director sang Jaro Archdiocesan Commission on Social Communications, Setyembre 28 pa sang nakalab-ot sa ila ang report nga may litrato sang mga vandalism sa diin may nakasulat sang pagpangamuyo agud makapasar sa board exam.

Posible suno kay Father Colada nga nagsunod sa pagsulat ang pila ka deboto sang nakita nila nga may nakasulat sa ibabaw nga porsyon sang grotto ilabe na ang makuha sang board exam.

Gin-athag man niya nga inisyatibo sang Archdiocese sang Jaro ang pagtinlo sa grotto kag pagpinta sini.

Gindugang pa niya nga sang nagbalahuba kag nag-trending ang mga litrato sa social media, may mga nag-vandal nga nag-coordinate sa Archdiocese sang Jaro agud magpangayo sang pasaylo kag nagtanyag man sang donasyon.

Kasunod sini, plano sang simbahan nga magpahamtang sang staff sa grotto agud magbantay kag indi na masulit ang pag-vandal.

Ginpahayag ni Father Colada nga posible nagsunod sa pagsulat ang pila ka deboto sang nakita nila nga may nakasulat sa ibabaw nga porsyon sang grotto ilabe na ang makuha sang board exam.

Inisyatibo sang Archdiocese sang Jaro ang pagtinlo sa grotto kag pagpinta sini.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Discussion: Expanded Solo Parent Welfare Act
Next post Suspension sang LPTRP sa Iloilo City, gin-extend sang isa pa gid ka bulan