13-anyos nga dalagita, nagreklamo nga ginlugos sang iya tiyo sang 5 na ka tuig

ILOILO CITY — Nagreklamo ang 13-anyos nga dalagita nga gin-rape siya sang iya 30-anyos nga tiyo sa sulod sang lima na ka tuig sa Mandurriao.

Ginsaysay ni alyas Len-Len nga siyam (9) ka tuig pa lang siya sang gin-molestyahan sang iya tiyo nga bayaw sang iya iloy.

Nagalantaw siya sadtu sang TV sa sulod sang balay sang iya suspetsado sang gintakpan sang iya tiyo ang iya bibig kag ginhimuslan sa kwarto samtang nagapaligo sa banyo ang iya tiya.

Magkasilingan lang ang sanday Len-Len kag iya tiyo.

Nasundan suno sa iya ang natabo kun wala sa balay ang mga ginikanan ni Len-Len.

Indi na madumduman sang dalagita kun makapila ka beses siya nga ginlugos sang iya tiyo.

May tiun suno sa iya ng ginasunod gid siya sang iya tiyo kun magpuli sa ila balay kag ginahimuslan.

Gin-claim ni Len-Len nga ginapahog siya sang tiyo nga patyon ang iya ginikanan kun magpanugid kag ginasulit-sulit man sang suspetsado nga may daku nga utang sa iya ang iloy sang dalagita.

PURSIGIDO NGA PASAKAAN SANG KASO

Pursigido ang pamilya sang 13-anyos nga dalagita nga pasakaan sang kaso ang tiyo.

Ginpahayag sang iloy nga si alyas Neneng nga nahibaluan niya lang ang natabo sang tiun nga ginkomprontar niya ang 19-anyos nga nobyo sang iya bata nga pasakaan sang kaso bangud sa pagpakigrelasyon sa menor-de-edad.

Wala naluyagan suno sa iya ni alyas Len-Len ang ila desisyon nga kasuhan ang iya nobyo tubtob nga nagtu-ad ang dalagita nga dal-un na lang sa pag-file sang kaso ang iya tiyo.

Gin-ako ni Len-Len sa iya iloy nga indi na siya maka-agwanta sa ginahimo sang iya tiyo.

Sa pagpangusisa ni Neneng sa iya bata, nagsugid ang dalagita nga lima na siya ka tuig nga ginahimuslan sang suspetsado.

Ginahatagan pa suno sa iya sang suspect ang iya bata sang kwarta pagkatapos niya nga himuslan, apang ginagisi ini sang dalagita.

Dugang pa ni Neneng, naglaka lang ang paglugos sang suspect sa dalagita sang nagsaylo sila sang balay.

“Napanawagan ko lang tani kun ginhimo niya na, sungka na lang siya para mabal-an gid naton kay te, makita ta na sa medical ‘ya [ni Len-Len]…sa korte na lang kami kita-ay,” ang pahayag ni alyas Neneng.

Gintinguhaan naman sang Aksyon Radyo News team nga makuhaan sang pahayag ang ginareklamo nga tiyo apang wala siya sa ila balay.