Klase sa tanan nga level sa private kag public schools sa Calinog, ginsuspender subong nga adlaw bangud sang mamunog nga ulan
ILOILO — Ginsuspender ni Calinog Mayor Francisco Calvo subong nga adlaw ang klase sa tanan nga level sa pribado kag pampubliko nga eskwelahan sa banwa bangud sa padayon nga ulan halin pa kagab-i dala sang bagyo #PaengPH.
Base ini sa executive order nga na-post sa Facebook account sang Calinog LGU.
Ginpahayag niya nga mahimo man nga makasuspender sang trabaho ang mga opisina depende sa management.
Ginpahanumdom sang alkalde ang mga ginikanan nga ipabilin sa panimalay ang ila kabataan agud makalikaw sa disgrasya bangud sang malain nga panahon.
Ginmanduan man niya ang taga-Municipal Disaster Risk Reduction and Management Council (MDRRMC) nga mag-standby para sa posible deployment sa tiun sang emerhensya.