Mga utanon sa merkado sang Bugasong, Antique, ginakulang
Ginakulang ang mga utanon nga baligya sa merkado sang Bugasong, Antique.
Suno sa vendor nga si Alyas Maita, indi mahakot halin sa Caticlan, Malay sa Aklan ang ila mga produkto bangud naguba ang Paliwan Bridge sa Laua-an, Antique nga naga-angut sang Laua-an kag Bugasong, kag gina-agyan man pakadto sa Aklan bangud sa bagyo Paeng.
Ginpabutyag man niya nga indi sila subong makapangumpra sa Iloilo City bangud naguba ang Oyungan Bridge sa Miagao.
Ginpahayag ni Maita nga ginakulang ang ila supply sang repolyo, carrots, patatas kag utanon nga ginalakot sa laswa.