Resupply sang gatong sa southern Antique ginpa-agi sa baybay

ANTIQUE – Nag-abot kagab-i ang RoRo vessel nga may karga nga petroleum products nga i-resupply sa mga gasolinahan.

Nagdungka sa San Jose Seaport ang RoRo vessel nga may karga nga mga tankers sang gatong.

Ginakulang ang gatong sa Southern Antique bangud nga guba ang Oyungan Bridge sa Miagao nga mayor nga karsada pakadto sa Antique kun halin sa Iloilo. Indi man makadiretso sa sur ang mga madul-ong sang supply halin sa Aklan bangud na-utod ang Paliwan Bridge sa Laua-an nga naga-angut sa Bugasong.

Una na ginpasalig ni Governor Rhodora Cadiao nga may maabot pa nga dugang nga gatong sa masunod nga inadlaw.

Maga-renta man suno kay Cadiao ang provincial government sang barge nga kargahan naman sang dry goods, construction materials kag iban pa nga produkto nga baklon sang mga negosyante sa Iloilo. – via Province of Antique