36 ka mga lechon ibaligya sa ‘Porky, Porky’ Festival sang Leganes LGU sa Disyembre 1

ILOILO — 36 ka mga lechon ang ibaligya kag kaunon sa “Porky, Porky” Festival sang local government unit sang Leganes sa Disyembre 1.

Base sa initial nga impormasyon sang Aksyon Radyo Iloilo, tag-duha ka lechon ang ibaligya sang kada barangay sa banwa.

Tag-P250 kada kilo ang bili sang lechon.

Lechon lang kag wala na sang iban nga pork dishes nga ibaligya sa festival base man sa impormasyon.

May ibaligya man nga kan-on kag softdrinks pero WALA sang makahulubog nga ilimnon.

PWEDE ang DINE-IN pero INDI PWEDE ang TAKE OUT ilabe na sa mga pangayaw nga makadto sa festival bangud yara sa Red Zone ang Leganes.

Ang “Porky, Porky” Festival ang kabahin sang recovery measure sang Leganes batok sa African Swine Fever (ASF).