Pagbaligya sa pila ka dalanon sa Iloilo City ginpasugtan halin Disyembre 1 tubtob Disyembre 31, 2022

ILOILO CITY – Temporaryo nga pasugtan sang Iloilo City Government ang pagbaligya sang mga goods sa sidewalk sa siyudad sa Disyembre 1-31, 2022.

Ini base sa Executive Order No. 106 series of 2022 ni Mayor Jerry Treñas nga ginpaguwa sang Nobyembre 28, 2022.

Tuyo sini nga mabuligan ang mga vendors sa ila palangabuhian ilabe na sa holiday season.

Pasugtan nga magamit ang sidewalks sa Iznart Street, J.M. Basa Street, Ledesma Street, Valeria kag Delgado streets, Jaro Plaza kag Molo Plaza.

Kinahanglan lang nga magsumiter sang barangay clearance, cedula, COVID-19 vaccination card, special permit, anti-smoking signage kag health card sa Special Services Division sang Public Safety and Transportation Management Office agud makakuha sang permit.