‘Kasanag sa Paskuwa sa Kapitolyo’ ginbuksan na

Read Time:1 Minute, 0 Second

ILOILO – Liwat nga nagsanag ang Iloilo Provincial Capitol sa pagbukas sang “Kasanag sa Paskuwa sa Kapitolyo” kagab-i, Disyembre 1.

Ginpangunahan ni Governor Arthur Defensor, Jr. ang pagpasiga sang mga LED lights kag laser beams sa Kapitolyo. Antes sini, may ginhiwat nga labing una nga lantern parade ang mga empleyado.

Sa iya mensahe, ginpabutyag sang gobernador nga ang pagpasiga sang mga suga ang simbolo sang paglaum kag kasanag kasunod sang masobra duha ka tuig nga pagpakigbato sang provincial government sa Covid-19 pandemic.

Dugang niya, pagpasalamat man ini nga nalampuwasan sang Ilonggos ang pagpanghangkat sang pandemya kag senyales nga puwede na makaselebrar sang paskuwa.

“Indi lang ini umpisa sang selebrasyon. More important to us that this is a thanksgiving, pasalamat naton ini kay natagaan na kita sang kapasidad kag kahigayunan nga mag tipon kag mag sinadya. Nagapasalamat kita kay nakabangon na kita sa pandemya,” pahayag ni Defensor.

Bukas sa publiko ang Capitol grounds.

May hiwaton man nga Trade Fair halin alas-otso sa aga tubtob las kuwatro sa hapon sugod kahapon tubtob Disyembre 7. May street food kag night market man sa amo nga mga inadlaw halin alas-kuwatro tubtob las-nuwebe sa gab-i. –via Cedrick Anona

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post DPWH Sec. Bonoan nagpasalig nga tutukan ang ginakay-o nga Ungka Flyover
Next post Pork Fest sa Oton gindugukan