Taga-Miagao, Iloilo patay na sang nasapwan kag naputos sang habol sa Numancia, Aklan

Read Time:41 Second

AKLAN – Naputos sang habol sang nasapwan ang bangkay sang lalaki sa Brgy. Albasan, Numancia, Aklan las-7:30 sang aga, Disyembre 2.

Ginkumpirmar ini ni PCpl Arjurin Mendoza, imbestigador sang Numancia, Aklan MPS.

Sa pagpangusisa sang kapulisan, gin-identify ang bangkay kay Jack Mereraque, residente sang Miag-ao, Iloilo.

Nag-abot man sa area ang SOCO kag sa ila pag-imbestigar, ginabulubanta masobra 12 ka oras na nga napatay ang lalaki.

Nakita ang mga pilas kag dugo sa pila ka parte sang lawas sang lalaki.

Gina-imbestigaran kun may foul play sa kamatayon sang lalaki.

Napakig-angutan naman sang police ang pamilya ni Mereraque kag ginpabutyag nila nga duha ka tuig na nga wala nakapauli sa Miagao ang ila himata. Wala man sila sang ideya kun paano nakalab-ut sa Aklan si Mereraque. –via Marvin Malificar

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Driver sang truck nga may karga nga mga baboy nga wala nagdulog sa ASF Border Control Checkpoint sa Zarraga wala pa makilala
Next post Vertical Clearance ginbutang sa entrance sang Ungka Flyover