Lalaki pilason sang gintiro sang iya bayaw sa Molo bangud sa wala nabahugan nga baboy
ILOILO CITY (Updated as of 12:43am)- Gindala sa Iloilo Doctor’s Hospital ang lalaki nga natiruhan sa Zone 3, Boulevard, Molo subong nga aga.
Ginkilala ang biktima kay Ricardo Roquero, 65 anyos, samtang suspek ang iya bayaw nga si Nestor Clarito, 64 anyos.
May pilas sa wala nga kamot kag tiyan ang biktima base sa pagpangusisa sang Aksyon Radyo Iloilo News Team sa ospital.
Wala naman mahibaluan kun diin ang suspek.
Base sa inisyal nga impormasyon nagbaisay ang suspek kag biktima bangud sa wala nabahugan nga baboy.
Gin-cordon naman ang balay sang suspek kasunod sang impormasyon halin sa iya asawa nga may granada ang iya bana. Ginahulat pa ang taga-Explosive and Ordnance Division (EOD) agud nga mag-usisa sa balay.
Wala sang may na-recover nga Granada sa lugar pagkatapos nga gina-usisa sang mga otoridad ang balay.
