Pagginutok sang mga customers ginalantaw nga rason sang rambol sa The Versteck sa Mandurriao
ILOILO– Nagginutok ang mga customes sa The Versteck nga bag-o nga tambayan kag ilimnan sa San Rafael, Mandurriao sang Disyembre 3 sang kaagahon.
Suno kay Police Major Rey Sumagaysay, hepe sang Mandurriao Police Station, posible nagsinikuhay ang mga customer bangud gutok na ang lugar kag nangin rason sang indi pag-intindihanay sang duha ka grupo.
Kasunod sang insidente, may mga ginpangdala sa Mandurriao police station nga involved sa ginamo suno kay Sumagaysay.
Gin-athag man niya nga may police man nga naga-duty sa lugar pero yara ini sa guwa sang compound sang The Versteck kag naga-control sa mga tawo sa guwa.