Pagpasulod sa Iloilo province sang domestic wild birds, poultry products, by-products halin sa Capiz, temporaryo nga gin-ban

Temporaryo nga gin-ban sa probinsiya sang Iloilo ang mga domestic, nadakpan nga wild birds, poultry product, kag by-products halin sa Capiz.

Ini base sa Executive Order No. 573 ni OIC Governor Dennis Ventilacion nga nag-epekto sang Disyembre 3 kag magalawig tubtob Disyembre 13 subong nga tuig.

Gintumod nga rason sang Iloilo provincial government ang laboratory result sang poultry serum kag oropharyngeal swab samples halin sa Cagay, Roxas City nga nagpositibo sa Influenza virus Type A subtype H5N1, suno sa Bureau of Animal Industry- Veterinary Division.

Sang Hunyo 23 subong nga tuig, nagpatuman man sang ban ang probinsiya sang kasubong nga sapat kag produkto halin sa Regions 1, 2,3 4-A, 5, Cordillera Administrative Region, Mindanao kag iban nga areas nga apektado sang Higly Pathogenic Avian Influenza.