Delivery rider, buyer kag punong barangay sa Leon nagbaisay bangud sala ang parcel nga gin-deliver

Read Time:1 Minute, 4 Second

ILOILO— Nag-viral sa social media ang pagbaisay sang delivery rider, buyer kag Punong barangay sang Brgy. Agboy Sur, Leon sang nahibaluan nga lain ang unod sang parcel nga gin-deliver sang rider.

Suno sa delivery rider nga si Nichols Cabafranca, ginbukad sang buyer ang iya nga parcel kag natukiban nga cellphone holder ang sulod kag indi cellphone nga gin-order niya sa online shopping app sa balor nga P590.

Nagbaisay ang rider kag buyer tubtob nga nagpabutyag ang buyer nga bawion ang iya nga ginbayad.

Nakibot na lang si Cabafranca sang nag-intra si Punong Barangay Leopoldo Cadaydayon kag naghambal nga ipa-blotter niya ang delivery rider.

Ginpaathag man sang rider nga wala siya sang ideya sa unod sang parcel bangud naga-deliver lang siya sang baligya. Kun luyag sang buyer nga magreklamo, puwede siya nga magpadulong sa opisina sang delivery service kag mag-file sang official complaint agud mabalik ang iya nga kwarta.

Bangud sang ginamo, nagdesisyon na lang si Cabafranca nga ibalik ang kwarta kag ginkuha ang parcel agud i-turn over sa ila main office.

Samtang ginpabutyag naman ni Punong Barangay Cadaydayon, nga protocol nila magpa-log-in kun may ginarespondihan sila nga insidente.

Ginklaro niya nga na-settle naman ang natabo bangud ginbalik sang rider ang kwarta ang buyer.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Viral video sang babaye kag lalaki nga nagahalukanay sa balay ilimnan sa siyudad nakalab-ot kay Mayor Jerry Treñas
Next post Excessive public display of affection ginatun-an ni Councilor Johnny Young nga dumilian sa Iloilo City