Suldado patay sang gintiro sang kasubong nga suldado sa Sigma, Capiz

Read Time:51 Second

Patay ang suldado sang gintiro sang kasubong nga suldado malapit sa bilasyunan sa Barangay Pinamalatican, Sigma, Capiz las 9:30 sang gab-i sang Disyembre 6.

Suno kay Police Captain Marvin Balmes sang Sigma Police Station, may nagluntad nga pagba-isay sa tunga sang biktima nga si Staff Sergeant Mariano Daran kag suspek nga si Corporal Joemarie Fermaran, antes natabo ang pagpangtiro.

Ginpahayag ni Balmes nga nalakip sanday Daran kag Fermaran sa isa ka team nga ginpadala sang Philippine Army agud magbantay sa hamyang sang ila kaupod nga suldado.

Sa initial nga imbestigasyon sang Sigma police, may indi pag-intiendihanay ang duha ka mga suldado nga lunsay assigned sa Calinog.

Napilasan sa nagkalain-lain nga parte sang lawas si Daran suno kay Balmes.

Na-recover sa lugar ang 32 ka basiyo sang bala, pito ka mga bala kag ang pusil nga gingamit sa krimen.

Nag-surrender sa barangay officials ang suspetsado kag gilayon man nga gin-turnover sa pulis.

Magapangatubang sang kaso nga murder si Corporal Fermaran suno pa kay Balmes.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Tigulang nga babaye patay sang gintiro sa sulod sang iya balay sa Dumangas
Next post Babaye nahulog sa taytay sa Tabucan, Mandurriao