Tigulang nga babaye patay sang gintiro sa sulod sang iya balay sa Dumangas

Read Time:1 Minute, 32 Second

ILOILO — Patay ang 67-anyos nga senior citizen sang gintiro sa sulod sang iya balay sa Brgy. PD Monfort North, Dumangas las-5:15 kahapon sang hapon, Disyembre 7.

Ginkilala ang biktima kay Lilia Gelapay nga napatay sa ospital nga napilasan sa agtang, mata, baba, kag liug. Ginkilala ang suspect kay Remy Depas nga residente man sang nasambit nga barangay.

Suno kay Staff Sergeant Efren Gonzaga, imbestigador Police Station, 12 gauge shotgun ang ginalantaw sang police nga gingamit sang suspect sa krimen bangud isa lang ka lupok ang nabatian apang may multiple gunshot wounds ang biktima.

At large ang suspect kag padayon pa nga ginapangita sang kapulisan.

Gin-ako ni Remy Depas sa iya pamilya nga siya ang nagtiro-patay sa 67-anyos nga babaye.

Suno kay Staff Sergeant Gonzaga, pagkatapos sang krimen, nagpauli pa sa ila balay si Depas kag liwat nga naglakat mga las-9 sang gab-i.

Sa pagpangusisa ni Gonzaga, ginpahayag suno sa iya sang pamilya nga nakahambal sa ila si Depas nga siya ang naghimo sang krimen. Kumbinsido man ang pamilya nga si Depas ang nagtiro sa bitktima.

‘NAGTIMALOS’

Ginalantaw sang police nga nagtimalos si Depas kabangdanan nga nahimo niya ang krimen.

Matandaan nga sang Oktubre 25, may stabbing incident nga natabo sa Brgy. PD Monfort North, Dumangas.

Suspect sa pagpangbuno si Edmar Gelapay nga bata ni Lilia samtang napatay naman ang biktima nga si Rino Depas nga utod ni Remy.

Nakahambal man suno kay Gonzaga ang umagad ni Lilia nga nagpamahog si Remy nga kun indi mag-surrender si Edmar, may isa nga madula sa iya pamilya.

Antes gintiro si Lilia, ginpalukpan man sadto sang pusil ang iya balay apang natabuan nga wala sang tawo.

Ginpasakaan sang kaso si Edmar may kaangtanan sa pagpatay kay Rino apang wala pa napaguwa ang warrant of arrest.

At large man tubtob subong si Edmar.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post DPWH ‘puro na blackeye’ bangud sa Ungka flyover; Contractor nga IBC wala may nagatandog — Councilor Plaridel Nava
Next post Suldado patay sang gintiro sang kasubong nga suldado sa Sigma, Capiz