Iloilo City gin-classify nga Red Zone sa ASF

Read Time:1 Minute, 0 Second

Gin-classify nga Red ukon Infected Zone sa African Swine Fever ang Iloilo City.

Ini ang ginkumpirmar ni Dr. Suzette Leal, Veterinarian 4 sang City Veterinary Office bangud duha na ka barangay sa Jaro ang naka-record sang ASF case.

Suno kay Leal, Nobyembre 24 sang nagpositibo ang isa ka baboy sa Brgy. Tacas, Jaro.

Makaligad ang isa ka semana, sang Disyembre 2, nagguwa man nga positibo sa ASF ang mga nakuha nga blood samples sang baboy sa Brgy. Bito-on Jaro.

Bangud sini, ginpaidalum sa Red Zone ang syudad kasunod sang transmission sang virus sa sulod sang 15 ka adlaw.

Gin-athag ni Leal nga wala na sang ASF border control checkpoints sa syudad bangud base sa Zoning and Movement Control sang ASF, pwede makasulod ang baboy sa Red Zone kun halin ini sa anuman nga colored zones.

Ginadumilian naman ang pag-transport sang baboy paguwa sa syudad ukon sa Red Zone suno pa kay Leal.

Base sa recent survey sang City Veterinary Office, diutay na lang ang mga baboy sa syudad bangud sang nagtuhaw ang ASF sa Oton, ginhingagaw pang-dispose sang mga backyard hog raisers ang ila mga ginasagod nga baboy antes pa matapikan ASF.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post New Lucena LGU mahiwat sang ‘Oink-Oink, Salu-Salo sa New Lucena’
Next post Technical Working Group halin sa Manila maabot sa masunod nga semana suno sa DPWH 6