#Breaking | Buenavista, Guimaras ginpaidalum sa state of calamity bangud sa ASF

Ginpaidalum ang Buenavista, Guimaras sa State of Calamity bangud sa African Swine Fever (ASF).

Ini bangud sa tatlo ka mga baboy nga nagpositibo ang blood samples sa ASF sa Brgy. Sawang, Buenavista Guimaras.

Ginpahayag ni Buenavista Vice Mayor Zyrel Beltran nga ginduso ni Sangguniang Member kag Committee on Agriculture Head Valentin Calabero ang resolusyon kag unanimously approved naman sang Sangguniang Bayan sang Buenavista.

Tinutuyo sini nga malikawan ang paglapta sang virus sa mga kaiping nga kabanwahanan.

Wala pa maplastar sang Buenavista LGU ang budget nga ila gamiton samtang yara sa state of calamity.

Sa latest data ni Beltran, 22 ka mga baboy ang ginpang-depopulate ukon ginpamatay sa diin nalakip ang mga ini sa 500-meters halin sa ground zero.

Nalakip sa ila mga measures agud indi maglapta ang ASF amo nga i-quarantine ukon wala ginapahanugutan ang mga tawo nga yara sa infected barangay nga maguwa sa ila balay sang tatlo ka adlaw.