Moderate to heavy traffic ma-eksperyensyahan sa siyudad sang Iloilo bangud sang Christmas rush –PSTMO

Ma-eksperyensiyahan ang moderate tubtob heavy traffic sa Iloilo City sa pala-abuton nga mga inadlaw, suno sa Public Safety and Transportation Management (PSTMO).

Suno sa PSTMO, mas madamo ang nagapadulong sa syudad agud maglagaw kag magpamakal sang regalo samtang nagahilapit ang Paskuwa rason nga nagapugok ang mga salakyan.

Nagpasalig naman ang PSTMO nga nag-deploy sila sang mga traffic enforcers agud mag-manage kag mag-control sang trapiko.

Una na nga gipahayag ni PSTMO Head Jeck Conlu nga mabatyagan na ang Christmas rush sa siyudad.