Jordan, Guimaras may kaso na sang ASF
Lima ka mga baboy ang nagpositibo sa African Swine Fever (ASF) sa Brgy. Espinosa, Jordan, Guimaras.
Ginkumpirmar ini ni Jordan Mayor Engue Chavez. Suno sa alkalde, ginkuhaan sang blood samples ang mga baboy sa Sitio Buyo sang Huwebes, Enero 5, kag Enero 6 ginpaguwa sang Department of Agriculture ang resulta nga positibo sa ASF ang mga ini.
Gilayon nga ginpang-depopulate ang mga baboy.
Ginmanduan naman ni Mayor Chavez ang mga barangay officials nga magplastar sang border control checkpoint agud wala sang may makapaguwa sang baboy sa Brgy. Espinosa.