Facilitated SIM card registration sa Iloilo province sugudan sa Carles sa Enero 27 suno sa NTC 6

ILOILO — Sugudan sang National Telecommunications Commission 6 ang facilitated SIM card registration sa Carles, sa Biyernes, Enero 27.

Ini suno kay Engr. Leah Doromal, regional director sang NTC 6.

Ihamtang sa covered gym sang Carles ang facilitated SIM card registration suno kay Doromal.

Dugang ni Doromal, bukas sa publiko ang facilitated registration kag pwede kakadto ang yara sa kaiping nga mga banwa.

Kaupod sang NTC suno kay Doromal ang tanan nga telecommunication companies.

Ginpabutyag ni Doromal nga may yara na iban pa nga remote areas nga padulungan ang NTC para sa facilitated SIM registration apang indi pa sila sa subong makapaguwa sang schedule bangud ginapasunod lang.

Ginapahandumdom man ni Doromal nga tubtob Abril 26, 2023 lang ang SIM card registration.