Sibuyas ginhimo nga giveaways sa kasal

Nangin praktikal kag pinasahe ang giveaways sang bag-o kasal nga Jayson at Lorelei Saplala sa mga nagtambong nga bisita tungod napaminsaran nila ang magpanagtag sang sibuyas.

Ginhiwat ang kasal kahapon, Enero 24 sa Aquila Crystal Palace, sa Tagaytay City.

Sa message nga ginpadala sang ila wedding coordinator nga si Aldrik Gohel sa Aksyon Radyo Iloilo, negosyo sang pamilya sang bride ang sibuyas halin sa Ilocos Sur kag mahal ang presyo sini sa merkado gani madamo ang nalipay ilabe na ang mga bisita.

“Family business ng bride na si Lorellei ang sibuyas sa San Juan, Ilocos Sur, dahil nga po mahal sa market ang sibuyas naisipan nila na gawing souvenirs ang sibuyas. Syempre maraming natuwa lalo sa mga guests at makakauwi sila ng sibuyas haha! kahit pati kaming mga coordinator nagulat sa souvenirs nila. Ayun po soldout ang sibuyas na may 150 kilos po ang napamigay.”

Nalipay naman ang mag-asawa sa napaminsaran nila nga gimik agud makakinot sa galastuhon sa ila kasal.

Madumduman nga ginbalita sang damlag lang ang bride sa Mandurriao, Iloilo City nga ginhimo nga bouquet sa iya kasal ang sibuyas.