Refund sang sa 2 ka ‘defective flyover’ gina-demand sang Makabayan bloc
ILOILO – Nagaplano ang Makabayan Bloc nga ibutang man sa resolusyon ni Kabataan Party-list Representative Raoul Manuel ang pag-refund sang pondo sang duha ka “defective flyover” agud magamit sang publiko sa nagakaigo nga proyekto.
Suno kay Bryan Bosque, Chairperson sang Bayan Panay, nagakadapat lang nga mag-demand ang publiko nga ibalik na lang ang P680 Million nga gingasto para sa Ungka Flyover kag P560 Million naman sa Aganan Flyover tungod wala man napuslan sang mga Ilonggo.
Mas maayo pa nga gingamit na lang sa pag-construct sang mga classrooms sa mga ekswelahan ang kuwarta nga ginpain para sa imprastraktura suno pa kay Bosque.
Ginahulat pa nila ang opisyal nga resolusyon ni Manuel nga iduso niya sa Kongreso agud nga mag-conduct sang legislative inquiry may kaangtanan sa Ungka Flyover.