Awto nagbaliskad sa Garden of Love sa Nabitasan, La Paz
ILOILO CITY — Nagbaliskad ang salakyan sa Garden of Love sa Nabitasan, La Paz subong nga aga.
Suno sa mga nakakita, halin sa direksyon sang Diversion Road ang salakyan. Madasig ang pagpadalagan sang driver suno sa mga nakakita kag posible nga nadulaan sang kontrol sa manibela tubtob nga naglapaw sa gutter kag nagdiretso sa Garden of Love.
May minor nga pilas ang duha ka mga sakay sang salakyan. Padayon pa nga ginakilala sang kapulisan ang driver kag pasahero sang awto.
Nagbalibad na nga magpa-interview ang mga sakay sang awto.