Trisikad driver dakup sa drug buy bust operation sa Leganes
ILOILO — Na-recover ang ginabanta P40,000 nga balor sang suspected shabu sa drug buy bust operation sa Brgy. Poblacion, Leganes las-11:30 kagab-i.
Ginhimo ang operasyon sang Station Drug Enforcement Team (SDET) sang Leganes Municipal Police Station.
Ang subect amo si Jonathan Alicante, trisikad driver kag residente sang Purok 3, Pavia, Iloilo.
Suno kay Police Staff Sergeant Mark Guazon sang Leganes Police Station, duha ka semana nga gin-monitor si Alicante antes gin-conduct ang buy bust.
Nakuha ang tatlo ka sachets sang suspected shabu kay Alicante nga nagabug-at sang 5.9 grams.
Nagabaligya sang illegal drugs si Alicante sa Leganes kag kaiping nga kabanwahanan suno pa sa pulis.
Gintinguhaan sang Aksyon Radyo News Team nga makuhaan sang pahayag ang subject apang nagpamalibad na nga maghatag sang statement. — with reports from Aksyon Justice Savannah Pamplona