‘Wala sang pamahog’ —IPPO Director PCOL Ronaldo Palomo sa mga local chief executives sa probinsya

ILOILO — Wala sang dapat kabalak-an ang mga opisyal sa probinsya sang Iloilo.

Bse sa threat assessment sang Iloilo Police Provincial Office, wala sang pamahog sa kabuhi sang mga local chief executives kag iban pa nga government officials sa probinsya, suno kay IPPO Director PCOL Ronaldo Palomo.

Apang gin-athag niya nga wala nila ginapabay-an ang pagbantay sang seguridad sang mga public officials tungod sa nature sang ila trabaho kag tungod man sa negosyo nga ginapanag-iyahan sang iban nga mga opisyal nga prone sa kriminalidad kasubong sang robbery kag extortion.

Gintumod naman ni Palomo ang Dumangas, Barotac Nuevo, kag Dueñas nga pila sa kabanwahanan nga may ‘potential risk’ sa ila local chief executives.

Handa naman suno kay Palomo ang IPPO nga magpadala sang security detail pananglitan mag-request ang local government officials.

Dugang ni Palomo, natapos na ang threat assessment nila sa mga mayors, governors, kag congressmen kag sa subong nagapadayon ang ila pag-usisa sa mga barangay kapitan kag iban pa nga officials sa probinsya. —via Firingline