Duha ka nurse sa ospital sa Barotac Nuevo, ginreklamo sang indi maayo nga pagtrato sa pasyente!

Barotac Iloilo–Ginreklamo sang pasyente ang indi suno sa iya maayo nga pagtrato sang duha ka nurses sang Don Jose S. Monfort Memorial Extension Hospital.

Suno kay Ruel Puelan sang Barangay Dongsol, Pototan, ginpalagyuhan siya sang duha ka nurses sa Outpatient Department sang nakita ang mga bitog-bitog sa iya guya kag nagabasa niya nga ulo. Dugang ni Puelan, nagsinggitan ang mga nurses nga makalalaton ang iya balatian samtang nagadalagan.

Gin-akusaran sini ang mga health personnel sang ospital nga may pinilian sa pag-atubang sa mga nagakadto sa ila. Ginatinguhaan pa sang Aksyon Radyo Iloilo nga makuhaan sang ila bahin ang duha ka nurses. (AGB)