Nag-AWOL nga pulis, nakuhaan sang P500k nga balor sang suspected shabu sa raid sang PDEA sa Capiz

Ivisan, Capiz–Tunga sa milyon ka pesos nga balor sang suspected shabu ang narecover sa raid sang Philippine Drug Enforcement Agency ukon PDEA 6 kag Special Action Force sa balay sang ginatudlo number 2 drug personality sa Malocloc Norte, Ivisan nga si Bobby Legazpi.

Nagapangape sa sulod sang iya balay si Legazpi sang ginsulong sang mga otoridad. Narecover sa masters bedroom ang ginabanta sa 50 gramos sang suspected shabu balor 500 mil pesos.

Si Legazpi ang nag-AWOL nga pulis sa Manila nga nagpauli sa Capiz kag nagnegosyo. Sa impormasyon sang PDEA, sa Manila nagahalin ang supply ni Legazpi sang druga. (AGB)