Inmate sa BJMP Ungka nga gintudlo involved pa sa illegal drug trade, ginkakasan na sang prebilihiyo

Iloilo City–Ginkakasan sang prebilihiyo ang inmate sang BJMP ungka nga gintudlo nagacontact sa nadakpan nga duha ka menor-de-edad sa buy bust operation sa Arevalo sang Sabado.

Suno kay Jail Supt. Vicente Papelera, OIC jail warden sang BJMP Ungka, ginbutang sa isolation cell si Werjun Tanate matapos nadalahig ang iya galan sa illegal drug trade. Ginpahayag ni Papelera nga indi makaguwa sa selda si Tanate magluwas lang kon magbisita ang iya abogado kag mga himata. Apang limitado suno sa iya ang visiting hours sang inmate. Ang isolation cell nahamtang malapit sa opisina ni Papelera nga may signal jammer.

Padayon nga gina-imbestigaran sang BJMP regional office si Tanate ilabe na sa anggulo sa paggamit sini sang cellphone sa presuhan.

Ginpahayag ni Papelera nga wala man ginadula ang posibilidad nga may kahimbon nga BJMP personnel si Tanate rason nga nakalusot ang cellphone sa jail facility. (AGB)