By: Aine Grace Bravo
Malayo nga accidental firing ang gintunaan sang kamatayon sang ginpahayag nobya ni SPO1 Nerio Salcedo, anak Sara Mayor Neptali Salcedo.
Suno kay Dr. Owen Libaquin, medico-legal officer sang PNP Regional Crime Laboratory, wala nagasantu sa anggulo nga accidental gun discharge ang pagkapatay ni Aiko Sandoval sang Estancia kon basehan ang resulta sang autopsy. Ginkonfirmar ni Libaquin nga positibo sa paraffin examination ang wala nga kamot ni Sandoval. Apang gina-claim sang pamilya Sandoval nga right-handed ang napatay.
Suno kay Libaquin, pa-idalum nga trajectory sang bala nga nag-igo sa babaye. Napatay si Sandoval bangud sang pilas sa wala nga parte sang iya guya nga naglapus sa iya tuo nga leog kag nagkibyas sa likod sang tuo nga abaga.