By: Aine Grace Bravo

Nagalaum si Land Transportation Office (LTO) 6 Director Dennis Singson nga masolbar na ang problema sa backlog sang mga daan nga plaka sang salakyan sa istrikto nga pagpatuman sang ‘No Registration, No Travel Policy’ umpisa sa Abril 1.

Base sa memorandum circular, ma-apektuhan sang polisa ang tanan nga 4-wheeled vehicles. Dapat suno kay Singson nga magpa-rehistro ang mga salakyan umpisa sa masunod nga bulan agud makakuha sang bag-o nga plaka. Ang bag-o nga plaka naga-duag sang itom kag puti kag may pito ka characters nga ginalakipan sang tatlo ka letters kag apat ka numbers.

Ang mga salakyan nga naka-rehistro halin Agosto 31, 2013 nga may green nga plaka kag may anum ka characters ang kinahanglan magkuha sang bag-o nga plaka. Bisan ang mga bag-o ginbakal nga salakyan suno sa iya ang sakop man sang ‘No Registration, No Travel Policy’ kabangdanan nga dapat iparehistro sa sulod sang isa ka semana agud makakuha sang black and white plate number.

Leave a Reply