Estancia: Ginapatihan dako nga drug personality, nadakpan!

By: Jocelyn Gelloagan-Maque

Nagmadinalag-on ang raid sang Estancia PNP sa balay sang 31-anyus nga lalaki nga ginapatihan  nagabaligya sang illegal drugs.

Nakuha sa suspect nga si Rolando Dequilla alyas Rolando Navarete sang Purok 1, Barangay Gogo, Estancia ang isa ka plastic sachet sang suspected shabu nga ginabanta naga bug-at sang 5 ka gramo kag mga drug paraphernalia.

Nadakpan man duha ka mga lalaki suno kay Chief Inspector Lorenes Losaria sang Estancia PNP nga natabo-an sa raid nga sanday Nilo Jay Camancho kag Efren Rosales.

Nakuhaan  si Camancho sang isa ka plastic sachet sang suspected shabu samtang si Rosales naman ang ginpahayag naga -serbe nga runner ni Dequilla.

Na-recover man ang mga resebo halin sa pawnshop sa diin nakita nga ang nagapadala sang kwarta sa ginakuhaan sang stock sang illegal drugs amo ang asawa ni Dequilla.

Gin-ako ni Dequilla nga bag-o pa lang siya nagabaligya sang illegal drugs.