By: Aine Grace Bravo

Ginsulong sang mga pulis ang compound sang GDR Taxi nga ginapanag-iyahan kaina sang aga agud kilalahon ang driver nga ginpahayag nagmolestiya sa menor de edad sini nga pasahero nga babaye.

Upod sang police ang tagreklamo. Sa alegasyon sang biktima, ginpahayag sini nga naghalin siya sa acquaintance party sang ila eskwelahan kag pauli na sa iya boarding house sa City Proper. Nagsakay ini sa GDR taxi nga ginamaneho sang driver nga wala sini nakilala. Pero sa baylo nga sa iya boarding house, ginpahayag nga gindiretso sang driver sa tanza patyo ang salakyan kag ginmolestiyahan siya.

Gin-ako naman sang mga taxi drivers sang GDR nga na-apektuhan gid sila bangud sang alegasyon kontra sa kasubong nila nga driver. Suno sa isa sa mga drivers nga na-interview sang Aksyon Radyo, nakapaguba sa ila imahen ang ginhimo sang driver nga wala pa ginhingadlan kun may kamatuoran ang alegasyon sang tagreklamo.

Leave a Reply