Duha ka mga opisyal sang PNP, ginapilian ni Gov. Arthur Defensor nga magabulos kay IPPO Director Cornelio Salinas

Iloilo City — Duha ka mga opisyal sang Philippine National Police ang pagapilian ni Governor Arthur Defensor nga magabulos kay Senior Supt. Cornelio Salinas bilang Director sang Iloilo Police Provincial Office (IPPO).

Naguwa ang mga pangalan nanday Senior Supt. John Mitchel Jamili, head sang Regional Holding Center sang PRO-6 kag Senior Supt. Remus Zacarias Cañeso.

Ang criteria ni Defensor sa bag-o nga IPPO Director amo nga kontento sa ginabatun nga sweldo, maisog kag tampad sa serbisyo agud maproteheran ang kabuhi kag propiedad sa probinsya.

Samtang nagahulat na lang sang relief order kag bag-o nga assignment si Salinas.

Ginpalawig ang serbisyo ni Salinas sa IPPO matapos gin-assign nga ground commander sa bag-o lang natapos nga APEC Ministerial Meetings.  (JoMaque)