Engkwentro sa tunga sang mga soldado kag armado nga kalalakihan, nagluntad sa Maasin!
Maasin, Iloilo–Nagluntad ang engkuwentro sa tunga sang 61st infantry battalion sang Philippine Army kag armado nga mga kalalakihan sa Barangay Trangka, Maasin kahapon.
Suno kay Lt. Col. Ray Tiongson, spokesman sang Philippine Army 3rd Infantry Division, ginbanta sa 18 ka armado nga kalalakihan ang naka-engkuwentro sang mga suldado nga naglawig sang ginbanta 30 ka minutos. Nakabaton suno sa iya sang impormasyon ang mga suldado angut sa presensya sang grupo sa lugar kabangdanan ginrespondehan.
Wala sang may ginreport nga casualty ukon pilason sa mga suldado. Indi pa matumod ni Tiongson kon anu nga grupo ang naka-engkuwentro sang mga suldado. (Aine Grace Bravo)