Molo, Iloilo City— Gin-engganyo ni Compania Central Punong Barangay kag Ex-Officio City Councilor Reyland Hervias ang mga pumuluyo nga apektado sa pagpasirado sang duta sang Jecko nga magpangita sang sayluhan nga lugar samtang wala pa sang available nga relocation site ang syudad para sa ila.

Suno kay Hervias, wala siya sang mahimo bangud pribado man nga duta ang ginahamtangan sang balay sang mga residente.         Ginkonsulta na ni Hervias ang city legal officer kon puwede makabakal sang portion sang duta sang Jecko ang syudad agud himuon nga alagyan sang mga residente apang indi puwede bangud private lot.

Ginapa-follow up ni Hervias sa iya barangay kagawad ang mga papeles sang mga pumuluyo sa Iloilo City Urban Poor Affairs Office agud maka-avail sila gilayon sang slot kon may mabakal nga relocation site ang syudad.

Ginhaylo man sini ang mga residente nga mag-dayalogo sila sa baylo nga mag-rally batuk sa iya agud masolusyunan ang ila problema. (Aine Grace Bravo)

0 thoughts on “UPDATE: Mga Residente sa Compania Central nga Apektado sang Pagsirado sa Lote nga Ginatibsukan sang ila Balay, Gin-engganyo nga Magpangita sang Sayluhan Nga Lugar”

Leave a Reply