Iloilo Police Provincial Office, Naglunsar sang Anti-Illegal Drugs Information Hotline

Iloilo — Ginlunsar sang Iloilo Police Provincial Office ang “Illegal Drugs I-report mo kay Tsip.”

May tema ini suno kay IPPO Director Roderick Augustus Alba nga “Let’s go IPPO, Police Ilonggo kaupod kita sa pagbato sa ilegal nga druga.”

Kon may impormasyon ang mga pumuluyo may kaangtanan sa illegal drugs, puwede makatawag ukon maka-text sa IPPO hotline number 0998-96-73-719; Iloilo Public Safety Company sa hotline number 0998-96-73-720.

May ginpahamtang man nga hotline sa mga police stations sa mga banwa sa premier distrito.

Ang nasambit nga mga hotline direkta nga maka-contact sa chief of police kag ginpasalig ni Alba nga mangin confidential ang identity sang informant. (JoMaque)